Ezohiko behaketak

EAEn ezohiko diren behaketen homologaziorako batzordea

EBOren barruan Ezohiko Behaketen Batzordea izeneko lantaldea sortu da. Bere lana da urtean zehar EAEn ikusitako ezohiko espezieen behaketak jaso, aztertu eta homologatzea. Horretarako, EAEn ezohiko diren espezie eta subespezieen zerrenda bat osatu da, eta zerrenda horretan zehazten den espezieren bat ikusten bada EAEn, lantalde honek hartuko du behaketa hori aztertu eta homologatzeko ardura. Urte amaieran, homologatutako ezohiko behaketa guztien zerrenda argitaratuko du.

Txostenak

• Informe aves raras Euskadi 2017 – Ezohiko behaketak 2017 (PDF)
• Informe aves raras Euskadi 2018 – Ezohiko behaketak 2018 (PDF)

Ezohiko behaketen homologazio-prozesua

Lantalde honek Euskal Autonomia Erkidegoan ezohiko diren espezieen zerrenda (jaitsi Excel zerrenda) osatu du. Zerrenda horietako espezieren bat ikusiz gero, behaketaren inguruko informazioa helbide honetara bidaltzea eskatzen da, homologatua izan dadin: rarezas@ornitologia.eus. Gainera, Batzordeak www.ornitho.eus eta ebird webguneak ere aztertzen ditu, bertan ager daitezkeen ezohiko behaketak biltzeko.

Espezie berezi horietako bat ikusiz gero, behaketaren inguruko informazio ahalik eta zehatzena bidaltzea eskatzen da, deskripzio xeheak eta material osagarria (argazki edo bideoak) gaineratuz.

Ezohiko Behaketen Batzordeak bere egiten ditu Guidlines of the Association of European Records and Rarities Committees (AERC) delakoak ezartzen dituen irizpideak. Ezohiko behaketa bat homologatzeko orduan, garrantzitsua izango da behatzaileak ematen dituen datuak, hala nola, egiten den deskripzioa eta eransten den dokumentazio grafikoa.

Kideak

Ezohiko Behaketen Batzordeak 6 kide ditu, bozka eskubidearekin, eta administrazio lanak egiten dituen botorik gabeko idazkaria. Kide guztiak esperientzia handiko ornitologoak dira, hegaztien identifikazioan aditu eta gure lurraldea ondo ezagutzen dutenak. Gainera, penintsula mailako antzeko beste batzorde batzuetako kide ere badira eta urteetako esperientzia daukate. Hauek dira, une honetan, lantalde honetako kideak:

• Asier Aldalur.
• Gorka Belamendia.
• David Calleja.
• Carmelo de Dios.
• Josean Gainzarain.
• Gorka Gorospe.
• Secretario: Juan Arizaga.

EAEn ezohiko diren espezieen zerrenda

Euskal Autonomia Elkartean ezohiko diren espezieak ondorengoak dira (ikus xehetasun guztiak erantsitako Excel honetan).