2017-11-30

Hegazti-zerrenda

Euskal Batzorde Ornitologikoaren lanetako bat da EAEko hegaztien zerrenda ofiziala egitea, hegaztien zerrenda patroia, non EAEn ikusi diren hegazti espezie guztien izenak bilduko diren. 2017n argitaratu da zerrenda honen lehenengo zirriborroa, orain arte behatu diren espezie guztien izenak biltzen dituena. Hemendik aurrera, espezie bakoitzaren estatusa ere zehaztu nahi da eta baita bakoitzaren kontserbaziorako hartu behar diren neurriak ere.

Esan bezala, zerrenda hau osatzea da EBOren lan nagusietako bat. Horretarako, gai honetan aditu diren hainbat ornitologoren laguntza izan du Batzordeak, eta guztien laguntza eskertu nahi du.

Hegaztien estatusa eta kontserbazio-neurriak zehazteaz gain, zerrenda patroi hau izango da EAEko hegaztien erreferentziazko taxonomia ezartzeko eta espezie bakoitzaren izen ofizialak zehazteko erabiliko dena, euskarazko izen ofiziala barne. Hona hemen lehenengo bertsioa (bertsio berriak gehitu ahala, data gehituko zaie).

  • EAEko hegaztien zerrenda ofiziala (Excel) (2017ko otsaila).