Espainiako Hegaztien Zerrenda berria aurkeztuko da Gasteizen
| Orain arte, zientzialariek eta hegaztizaleek 2012ko edizioa erabiltzen zuten. SEO/BirdLife-ko “Taxonomia Lantalde” sortu berriak, lan eskerga egin ondoren, azkenik, zerrenda berria argitaratu du. Lanean Bitxikerien Batzordeak eta Hegazti Exotikoen Taldeak ere hartu dute parte. Zerrenda berrikusi eta eguneratu egin da. |
| Orain arte hautemandako aldaketa taxonomiko guztiak aztertu dira, taxonomia-azterketen azken argitalpenak eta Espainiako hegaztien egoeraren gainean sortutako informazioa aintzat hartuta. Ezinbestekoa zen hegaztien zerrenda berritzea, bai ikuspegi zientifikotik bai taxonomiak espezieen kontserbazioaren eremuan eragiten dituen ondorioengatik. |
Lekua: Salburua-Ataria (Biosferaren etorbidea, 4, Gasteiz)
Eguna eta ordua: ekainak 20, osteguna, 19.00.
Leku mugatuak: Egin zure eskaera: euskadi@seo.org helbidean.